XIVADA TADBIRKORLAR BILAN UCHRASHUV BO'LIB O'TDI

Soliq va budjet siyosatining 2024-yilga mo‘ljallangan asosiy yo‘nalishlari bo`yicha targ`ibot tadbirlarining navbatdagisi Xivada bo`lib o`tdi. Unda budjet siyosatining ayrim qonun hujjatlariga qo‘shimchalar kiritilganligi, 2024-yildagi soliq stavkalarining o‘zgarishlariga alohida urg`u berildi. 

2024-yil uchun qat'iy belgilangan summadagi AOS stavkasi quyidagi miqdorlarda belgilandi:
 jami daromadi 500 mln so‘mdan oshmagan soliq to‘lovchilar uchun – yiliga 25 mln so‘m;
 jami daromadi 500 mln so‘mdan oshgan soliq to‘lovchilar uchun – yiliga 34 mln so‘m.
 
Shuningdek, Soliq kodeksining 483-moddasi (https://lex.uz/ru/docs/-4674902#-5136253) dividendlar va foizlar shaklida daromadlar uchun soliq imtiyozlari amal qilish muddati uzaytirilgani yani 2022-yil 1-apreldan 2028-yil 31-dekabrga qadar (avval 2024-yil 31-dekabrgacha) boʻlgan davrda: 

JSHODSdan ozod qilinadi – Oʻzbekiston rezidentlari va norezidentlari boʻlgan jismoniy shaxslarning (aksiyadorlarning) aksiyalar boʻyicha dividendlar tarzidagi daromadlari; 
foyda soligʻi boʻyicha 5 % miqdorida soliq stavkasi qoʻllaniladi – Oʻzbekiston norezidentlari boʻlgan yuridik shaxslarning (aksiyadorlarning) aksiyalari boʻyicha dividendlar tarzidagi daromadlariga;
foyda soligʻi hamda JShODSdan ozod etiladi – Oʻzbekiston rezidentlari va norezidentlari boʻlgan jismoniy va yuridik shaxslarning xoʻjalik jamiyatlari obligatsiyalari boʻyicha foizlar tarzidagi daromadlari.

Bundan tashqari soliq xodimlari korxona va savdo nuqtalariga borgan holda tadbirkorlarni soliq qonunchiligidagi yangilik va o‘zgarishlardan xabardor qilib, “Soliqchi – tadbirkorga ko‘makchi” tamoyili asosida faoliyatlari bilan bog‘liq  ayrim muammolarni bartaraf etishga ko‘maklashishdi.