ЭЛДОШЛАРИМИЗ МАККАДА

Ҳаж амалларнини адо этиш учун шаҳар ва туманимиз вакилларининг катта гуруҳи Маккага қараб йўл олишди. Улар муборак ойда аҳли мусулмонларга хос амалларни бажариб, дуоларида элу юртимиз тинч-фаровонлигини тилаб қайтадилар.
Дастлабки олинган маълумотларга қараганда, вакилларимиз Урганчдан тўғридан-тўғри учган самолётда Мадина шаҳрига қўниб, барча қулай шароитларга эга бўлган меҳмонхоналарга жойлашгач, ҳаж аъмолларини ўташга киришишган.
- Бундай имкониятларни яратиб бергани учун аввало Президентга чексиз миннатдорчилигимизни изҳор қиламиз, - дейди тадбиркор Болжон Сапаева, - илоҳим юртимиз тинч, осмонимиз мусаффо бўлсин. Истардикки, ҳар бир мўмин-мусулмонга фарз қилинган ҳаж зиёратини бажариш насиби рўзи қилсин.
Ҳаммаларингизни яқинлашиб келаётган Қурбон ҳайити билан чин қалбимиздан муборакбод этамиз.

Нураддин ИСМОИЛОВ,
Дин ишлари бўйича қўмитанинг Хива шаҳар бўлими бош мутахассиси.