Шу куннинг хабарлари

Бугун 14 октябрда Хива шаҳар Кенгашининг навбатдаги 59-сессияси бўлиб ўтди. Мухбиримизнинг хабар беришича, депутатлар муҳокамасига шаҳарни ижтимоий-иқтисодий ривожлантиришга оид кечиктириб бўлмайдиган ўнта долзарб ва муҳим масалалар киритилган. Сессияни бошқариб борган Хива шаҳар ҳокими Т.И.Давлетов ушбу масалаларни эълон қилиш билан бирга, уларни бирма-бир изоҳлаб ҳам борди.

“Хива деҳқон бозори” акция-дорлик жамиятининг яқинда ўтказилган йиғилишида жамиятга ажратилган ер майдонида янгидан деҳқон бозори ва қўшимча бино иншоотлари қуриш ишларини олиб бориш учун пудрат ташкилотини танлаш бўйича ОАВ ва ижтимоий тармоқларда эълонлар бериш каби масалалар муҳокама қилинди. Шу юзадан жамият кузатув Кенгаши раиси Х.Бобоев маърузаси тингланди.
 

Президентнинг 2019 йил 14 майдаги ПФ-5718-сонли Фармонига мувофиқ ваколатли органларнинг биринчи раҳбарлари Бош вазирнинг тадбиркорлар мурожаатларини кўриб чиқиш қабулхоналари топшириғини кўриб чиқишлари ҳамда натижалари ва қабул қилинган қарорлар тўғрисида қабулхона-га ёзма равишда 7 кун муддатда ахборот киритишлари белгилаб қўйилган. Бундан ташқари, қабулхонада рўйхатга олинган ҳар бир мурожаатнинг қонуний ҳал этилиши ҳолати ҳар ой якуни билан Вазирлар Маҳкамасида танқидий-таҳлилий умумлаштирилиб, ҳар чорак якуни билан Ҳалқ депутатлари вилоят Кенгашида муҳокама этиб борилиши белгиланган.  

"Ичон-қалъа" давлат музей-қўриқхонасининг Табиат бўлимида ҳар куз фаслида “Табиатнинг бебаҳо неъматлари” деб номланган мева-сабзавот, полиз маҳсулотлари кўргазмаси ташкил этиш, уни сайёҳларга намойиш қилиш анъанага айланган.

Маҳалламиз мусулмон оламининг улуғ намоёндаси Шайх Нажмиддин Кубро номи билан аталади. Бу ердан машҳур фан докторлари, халқ бахшилари, хатто жаҳон чемпионлари ҳам етишиб чиққан. Улар билан чин дилдан фахрланамиз.