ЯНГИ “ДЕҲҚОН БОЗОРИ” ҚАЧОН ҚУРИЛАДИ?!

“Хива деҳқон бозори” акция-дорлик жамиятининг яқинда ўтказилган йиғилишида жамиятга ажратилган ер майдонида янгидан деҳқон бозори ва қўшимча бино иншоотлари қуриш ишларини олиб бориш учун пудрат ташкилотини танлаш бўйича ОАВ ва ижтимоий тармоқларда эълонлар бериш каби масалалар муҳокама қилинди. Шу юзадан жамият кузатув Кенгаши раиси Х.Бобоев маърузаси тингланди.
Нотиқ жамиятнинг кейинги умумий йиғилишига тайёргарлик кўриш, уни қаерда ва қачон ўтказиш, шунингдек, кун тартибига қўйиладиган масалалар юзасидан так-лифлар киритди. Жамият акциядорларининг умумий йиғилиши жорий йил 20 октябрь – чоршанба куни кундуз соат 15:00 да Хива шаҳар 5-сон Болалар мусиқа ва санъат мактаби биносида ўтказиш белгиланди. Йиғилишни ўтказиш бўйича барча акциядорларни огоҳлантириш ва акциядорлар реестрини тузиш, жамиятнинг бюллетень нусҳаси ва матнини тасдиқлаш, кўриб чиқиладиган масалалар юзасидан ҳисоботлар, қарорлар лойиҳасини тайёрлаш жамият бошқарувига юклатилди.

З.РЎЗМЕТОВ, Хива “Деҳқон 
бозори” АЖ бошқарув раиси в.в.б.
 

ТАҲРИРИЯТДАН: Янги бозор қачон қурилар экан, деган гап-сўзларни эшитавериб, одамлар анча толиқиб қолишган эди. Мана ниҳоят масалага ечим топилди. Тез орада ҳамма интиқиб кутаётган янги бозор пойдеворига илк ғишт қўйиладиган кунлар яқин, иншоллоҳ! “Хива тонги” газетаси таҳририяти бу ҳақда туркум мақолалар, фоторепортажлар тайёрлашни режалаштирган.