СОҒЛОМ ҲАЁТ ҳар бир инсон умрини узайтиради

Президентимизнинг 2018 йил 18 декабрдаги “Юқумли бўлмаган касалликларнинг профилактикаси, соғлом турмуш тарзини қўллаб-қувватлаш ва аҳолининг жисмоний фаоллиги даражасини ошириш чора-тадбирлари тўғрисида”ги қарори ижросини таъминлаш мақсадида аҳоли ўртасида соғлом турмуш тарзини шакллантириш, касалликларни олдини олиш, аҳоли кенг қатламларини, айниқса ёшларни жисмоний тарбия ва спорт билан шуғулланишга жалб этиш, пиёда юриш ва ҳаракатланиш саломатлик учун ниҳоятда фойдали эканлиги тўғрисида туман ва шаҳар тиббиёт бирлашмалари томонидан жойларда кенг тарғибот-ташвиқот ишлари олиб борилмоқда.
COVID-19 коронавирус пандемияси даврида аҳоли орасида соғлом турмуш тарзини шакллантириш юзасидан амалга оширилаётган ишлар самарадорлигини ошириш, коронавирус касаллиги юқишида хавф гуруҳига мансуб бўлган аҳоли вакиллари саломатлигини назоратга олиш маҳалла ва оилани қўллаб-қувватлаш бўлимлари, тиббиёт бирлашмалари, аҳолининг соғлом турмуш тарзини қўллаб-қувватлаш ва жисмоний фаоллигини ошириш маркази (АСТТҚҚ ва ЖФО) билан ҳамкорликда 5 октябрдан 5 ноябргача республика миқёсида “Соғлом ҳаёт” дастурини бажариш мақсадида тумандаги Шомохулум МФЙда 65 ёш ва ундан юқори ёшдаги аҳоли орасида тиббий кўрик ташкил этилди.
Тиббиётнинг турли соҳа мутахассислари аниқланган касалликлар бўйича ўз маслаҳатларини бердилар. Шу билан бирга АСТТҚҚ ва ЖФО маркази томонидан турли мавзуларда буклет ва эслатмалар тарақатилди.
Соғлом овқатланиш, жисмоний фаоллик, соғлом турмуш тарзи ва унинг тамойиллари мавзусида маъруза ва суҳбатлар ўтказилди.
Тиббий кўрикда аниқланган касалликлар мутахассис врачлар томонидан таҳлил қилиниб, соғломлаштириш чора-тадбирлари белгиланди, биринчи марта аниқланган сурункали касаллиги бор беморлар диспансер назоратига олинди.
 

А.БОЛТАЕВ,
ТТБ “Саломатлик маркази” шифокори.