СИЗЛАРГА ОМАД ЁР БЎЛСИН!

Мамлакатимизда Янги Ўзбекистонни қуришга муносиб ҳисса қўшаётган ёшларимизнинг жисмонан соғлом, маънан етук бўлиб вояга етишлари, касб-ҳунар ўрганишлари, пухта билим олиб, маҳорат ва истеъдодларини намоён этишлари учун барча шароит ва имкониятлар яратилган. Айниқса, иқтидорли қизларни аниқлаш, уларни қўллаб-қувватлаш борасида Зулфия номидаги Давлат мукофотининг иқтидор соҳибаларига берилаётгани кўрсатилаётган эътибор ва ғамхўрлик намунасидир.

Анъанага мувофиқ ҳар йили ўтказиб келинаётган ушбу кўрик-танловнинг бу галги туман ва шаҳар босқичлари Дашёқ маданият ва аҳоли дам олиш маркази ҳамда Хива педагогика касб-ҳунар коллежида ўтказилди. Унда туман ва шаҳримиз мактаблари, олий таълим даргоҳларида таҳсил олаётган иқтидорли қизлар иштирок этди. Улар адабиёт, санъат, маданият, таълим, фан, спорт, жамоатчилик йўналишлари бўйича ўз иқтидорларини намоён этишди.  
Ижодкор ўқувчиларнинг чизилган ҳамда қўл меҳнати билан ясалган буюмлар кўргаз-маси, ёш қаламкашлар шеърлари, санъатсевар ёшлар эса куй-қўшиқ ва рақслар ижро этгани, спортчиларнинг эпчиллик ва чаққонлик билан машқларни бажаргани барчанининг диқ-қат-эътиборини тортди.
- Болаликдан адабиётга, шеърлар машқ қилишга қизиқаман, - дейди туман босқичи иштирокчиси Насиба Абдуллаева, - асосийси саҳнада иқтидоримизни намоён этиб, Зулфияхонимга муносиб авлод бўлишдир.
Қуйи босқич ғолиблари танловнинг вилоят босқичида қатна-шиш ҳуқуқини қўлга киритишди. 
- Бугунги танлов чин маънода қиз-лар-жонлар учун маҳорат мактаби бўлди, десак янглишмаймиз. Чунки ҳар бир қиз ўзига яраша қобилиятга эга. Саҳна инсонни юксалтиради, тарбиялайди. Ҳаммамизга омад кулиб боқсин! - дейди танловнинг шаҳар босқичи иштирокчиси Шалола Абдуязова.
 

(Ўз мухбиримиз)