“КИМ ВАТАНГА СОДИҚ БЎЛСА, МЕНДИРМАН ЎША!”

Ватанни ҳимоя қилиш, уни кўз қорачиғидек асраш ҳар бир йигитнинг муқаддас бурчидир. Кичик ёшдаги ўғил-қизларимиз ҳарбий либос кийган акаларини кўриб қолишса, кўзлари қувнаб, мен ҳам катта бўлсам аскар бўламан, деб ҳавас қилишади. Бу ҳавас уларда ватанпарварлик туйғуларини шакллантириб, ҳарбий соҳага бўлган қизиқишларини уйғотади. Туну кун чегара сарҳадларини қўриқлаб, халқимиз, ўз оиласи, севимли жигарбандлари осойишталигини таъминлаётган мард, жасур ўғлонларнинг юртга фидойиликлари ҳар қанча таҳсинга лойиқ.

Юртимизда Ватан ҳимоячилари кунини ҳар йили 14 декабрдан - 14 январгача Ватанпарварлик ойилигини ўтказиш билан нишонлаш анъанага айланган.     
Ўзбекистон Республикаси Қуролли Кучлари ташкил этилганлигининг 29 йиллиги ҳамда Ватанпарварлик ойлиги доирасида ДХХ чегара қўшинларига қарашли ҳарбий қисм томонидан “Болалар шаҳар-часи”да “Ким Ватанга содиқ бўлса, мендирман ўша!” шиори остида тарғибот тадбирлари ўтказилди.
Тадбирда сўзга чиққан-лар келажак авлоднинг яратилаётган шарт-шароит ва имкониятлардан унумли фойдаланиб, Ватан корига ярайдиган йигит-қизлар бўлиб вояга етишларини тилашди. Она-Ватанни, ҳарбий хизматчиларни мадҳ этувчи шеърларни ифодали ўқиган иқтидор эгаларига бадиий китоблар совға қилинди.
Шаҳарча майдонида аскарларнинг жанговор чиқишлари, сафда юриш ва турли спорт мусобақалари ташкил этилди. Тадбир сўнгида ҳарбий техника ва қурол-яроғлар кўргазмаси намойиш қилинди.
- Бугунги тадбирни ўтказишдан мақсад ёш авлодни Ватанпарварлик руҳида тарбиялаш, улар ўртасида соғлом турмуш тарзини тар-ғиб қилиш ва ҳарбий соҳага бўлган қизиқишларини уйғотишдан иборат,- дейди ҳарбий қисм командири ўринбосари Қ.Хўжамов, - бугун қўл жанги машғулотларини кузатиб турган ёшларнинг нигоҳидан сезилиб турибдики, тадбир жуда таассуротларга бой. Бу айниқса, уларнинг қалбида юртга бўлган меҳр-муҳаббатларини янада ошириб юборди.
Келажакда ҳарбий хизматчи бўлишга қизиқаётган тарбияланувчилардан Умарбек Эркабоев ва Бекчонбек Абдуллаев тадбирдан олган таассуротларини биз билан ўртоқлашди:
Умарбек: - Шаҳарчамизга ҳарбий аскарларимизнинг ташрифи бизни беҳад қувонтириб юборди. Бугунги кўргазмали чиқишлар, турли спорт мусобақалари мени ҳайратга солди. Мен келажакда чегара қўшинлари сафида хизмат қилишни хоҳлайман. 
Бекчонбек: - Мен танкларни фақат телевизорда кўрардим. Бугун эса яқиндан кўриб, хатто унга чиқиб ҳам олим. Бизга мана шундай кўтаринкилик онларини бахш этган ҳарбийларга раҳмат!
Жойларда ўтказилаётган бундай тадбирлар ёшларни Ватанни севишга, ҳарбий хизматга шайланишга, йигитлик бурчини адо этишга ундамоқда.
 

В.ЖУМАЕВ,
ҳарбий хизматчи, “Хива тонги” жамоатчи мухбири.

*  *  *
Суратларда: “Болалар шаҳарчаси”да ўтказилган ҳарбий Ватанпарварлик тадбиридан лавҳалар акс эттирилган.

Д.Машарипов олган суратлар.