КАМБАFАЛЛИКНИ ҚИСҚАРТИРИШНИНГ ЭНГ САМАРАЛИ ЙЎЛИ бу албатта, тадбиркорликни ривожлантириш ҳисобланади

Собиржон ЖУМАНИЯЗОВ,
Хива шаҳар ҳокими.

Президентимизнинг 2020 йил 30 июлдаги “Коронавирус пандемияси даврида ижтимоий ҳимояга ва ёрдамга муҳтож аҳоли қатламларини моддий қўллаб-қувватлашга доир қўшимча чора-тадбирлар тўғриси-да”ги Фармони асосида янгидан 318 та оилада 1114 нафар эҳтиёжманд фуқаро аниқланиб, “Темир дафтар”га киритилди.
Бандлиги таъминланганлиги натижасида яшаш шароити яхшиланган, оилавий даромади ошган 278 та оиладаги 1245 нафар фуқаро ишчи гуруҳ томонидан ўрганилиб, “Темир дафтар”дан чиқарилганлиги ва янгидан аниқланган кам таъминланган ва эҳтиёжманд 318 та оиладаги 1114 нафар фуқаро “Темир дафтар”га киритилиши юзасидан халқ депутатлари шаҳар Кенгаши сессияси қарори билан тасдиқланди.
Бугунги кунда “Темир дафтар”га киритилган ушбу Фармон асосида 2663 нафар фуқаронинг ҳар бирига республика бюджетидан 220 минг сўмдан, жами 585 миллион 860 минг сўм миқдорда пул маблағлари берилди. 
Олиб борилаётган чора-тадбирлар натижасида “Темир дафтар”га киритилган кам таъминланган ва кам-бағал оилалардаги 62 нафар ишсиз фуқарога шахсий ва дала томорқа-сига енгил типдаги иссиқхона қуриб берилди, 10 нафар фуқарога экин экишга уруғлар, кўчатлар ва суғориш воситаларини ҳарид қилиш учун жами 148,9 млн. сўм миқдорида субсидия маблағлари ажратилди.
Масалан, “Шихлар”, “Каптархона”, “Қумяска”, “Янги турмуш”, “Қибла тозабоғ”, “Мевастон” МФЙлардаги кам таъминланган 13 та оилага иссиқ-хона қуриш учун 28,9 млн. сўм, 3 та оилага суғориш воситаси учун 5,8 млн. сўм субсидия маблағи ажратилди.
Бюджет даромадларини ошириш, қўшимча заҳиралар яратиш, янги иш ўринларини ташкил қилиб, натижада камбағалликни қисқартиришнинг энг асосий устувор йўналиши бу тадбиркорликни ривожлантириш ҳисобланади.
Хива шаҳрида жорий йилнинг 1 август ҳолатига 1 минг 740 та кичик бизнес субъектлари фаолият кўрса-таётган бўлса, 64 та тадбиркорлик субъектлари фаолият юритмаяпти.
Ушбу корхоналардан 24 таси фаолият кўрсатиш истагини билдир-ган, шундан 15 тасининг фаолиятини қайта тиклаш чоралари кўрилмоқда. Карантин талаблари босқичма-бос-қич юмшатилаётганлиги ва тадбиркорлик фаолиятини давом қилди-ришга рухсат берилаётганлигини эътиборга олиб, йил якунига қадар 442 та кичик бизнес субъектлари янгидан ташкил қилиниб, белгиланган режа 105 фоизга бажарилиши кўзда тутилган.
Тадбиркорлик фаолиятини ривожлантириш орқали ишсиз фуқаролар бандлигини таъминлаш мақсадида Хива шаҳар “Оилавий тадбиркорликни қўллаб-қувватлаш маркази”нинг хулосаларига кўра, 115 та жисмоний ва юридик шахсларга тадбиркорлик фаолияти учун 5,2 млрд. сўм миқдорда имтиёзли кредит ажратилиши ҳисобига янгидан 131 та иш ўринлари яратилди.
Бундан ташқари 2020 йил учун тас-диқланган инвестиция дастури доирасида жорий йил якунига қадар қишлоқ хўжалиги, хизмат кўрсатиш ва саноат йўналишида 94,2 млрд. сўмлик 22 та лойиҳа ишга туширилади. Жумладан, “Хоразм гиламлари” МЧЖ негизида “Sam Antep Gilam” МЧЖ таъсисчилиги билан “Хива гилам комбинати” МЧЖ ишга туширилиб, гилам тўқиш лойиҳаси биринчи босқичи бўйича 250 нафар ишчи ўрни яратилади.
Шаҳарда ишсиз, чет элга ишлашга кета олмаган ва қайтиб келган фуқароларни бандлиги таъминлаш бўйича маҳалла ва хонадонлар билан манзилли ишлаш механизми жорий қилинди.
Аҳоли бандлигини таъминлашга қаратилган чора-тадбирларни молия-лаштириш учун Меҳнат вазирлиги томонидан 1,2 млрд. сўм маблағ ажратилди. Бунинг натижасида 1700 нафар ишсиз фуқаронинг бандлиги таъминланди.
Давлат санитария-эпидемиология осойишталик маркази билан биргаликда дезинфекцияловчи воситалар, моддалар ва шахсий ҳимоя воситалари билан таъминланган ҳолда 170 нафар фуқаро маҳаллалар, кўчалар, бозорлар ва бошқа жамоат жойларини дезинфекция қилиш ишларига ишсиз сифатида марказда рўйхатда турган, олдин тиббиёт соҳасида ишлаган, тиббиёт коллежлари битирувчилари жалб этилди.
Шунингдек, қишлоқ хўжалиги йўналишида янгидан ташкил қили-наётган замонавий типдаги 37,8 гектар 9 та лойиҳада ташкил қили-надиган 54 та янги иш ўринларининг 80 фоизига “Темир дафтар”га киритилган оилалардаги ишсизлар ва чет элга ишлашга кета олмаган ва қайтиб келган фуқаролар жойлаштирилади.
Бюджетга сентябрда 4,6 млрд. сўм тушум тушиши таъминланади. Жумладан: жорий тушумлар ҳисобига – 3,9 млрд. сўм; ишламаётган 44 та корхона фаолиятини тиклаш ва паст қувватда ишлаётган 88 та корхона қувватини ошириш ҳисобига – 100 млн сўм; қишлоқ хўжалиги, саноат ва хизмат кўрсатиш соҳаларини ривожлантириш, шу жумладан, янги лойиҳаларни ишга тушириш ва янги корхоналар ташкил этиш ҳисобига – 200 млн. сўм; “ҳуфиёна иқтисодиёт”ни қисқартириш ҳамда солиқ қарзини камайтириш ва камерал солиқ назорати ҳисобига – 990,7 млн. сўм.
Шунингдек, шаҳарнинг ички имкониятларидан келиб чиқиб, янгидан ишга тушириладиган лойиҳалар ҳисобига йил якуни бўйича солиқ тушумлари режаси тўлиқ бажарилади.