ХИВАДА ҚОВУН САЙЛИ
Шу йилнинг 12-13 август кунлари Хива шаҳри “Ичан қалъа” давлат музей-қўриқхонаси ҳудудида қовун сайли ўтказилади.
Хоразм қовунчилигини кенг тарғиб қилиш орқали маҳаллий ва хорижий сайёҳларни эътиборини қаратиш ва сайёҳлар оқимини ошириш мақсадида ўтказилаётган мазкур тадбир доирасида полиз (қовоқ, тарвуз) ва мевали боғ маҳсулотлари (шафтоли, олма, узум, нок ва қуруқ мевалар) кўргазмаси ўтказилади.
Бундан ташқари мазкур кўргазма давомида фестивал дастури: фолклор-этнографик гуруҳлари, ёш эстрада хонандаларининг чиқишлари, театрлаштирилган саҳналар, ҳунармандчилик маҳсулотлари намойиши ҳам ўтказилади.
Янгиликдан хабарингиз борми?
“ДАМАС” МУБОРАК!
Хива шаҳри йўлларида “Маданият ва туризм” деб ёзиғлик “Дамас” автомашинаси пайдо бўлди. Ўзбекистон Республикаси Маданият ва туризм вазирлиги томонидан барча вилоят ҳудудий бошқармалари ҳамда унинг шаҳар ва туман бўлимларига ҳам янги хизмат автомашиналари ажратилганлиги, улардан биттаси Хива шаҳар маданият ва туризм бўлимига берилгани қувончли воқеа бўлди.
“Дамас” муборак, азиз маданият ходимлари!
