ФАВКУЛОДДА ВАЗИЯТЛАРДА қандай чора-тадбирлар қўллаш мумкин?!

Республика Вазирлар Маҳкамасининг 2019 йил 9 сентябрдаги “Аҳолини фавқулодда вазиятларда ҳаракат қилишга ва фуқаро муҳофазаси соҳасида тайёрлаш тартибини такомилаштириш тўғрисида”ги қарорига асосан Хива шаҳар ва Хива туманида бошқарув органлари, ФВДТ ҳудудий ва қуйи тизимининг табиий ҳамда техноген хусусиятли фавқулодда вазиятлар оқибатларини бартараф этиш бўйича ҳамкорликдаги ҳаракатлари мавзуида қўмондондлик штаб ўқув машқи ўтказилди.
- Машқни ўтказишдан мақсад уч кун давомида фавқулодда вазиятларда фуқаро муҳофазаси тадбирларини режалаштириш, оқибатларини бартараф этиш тадбирларини амалга ошириш ишларини ташкил қилишда амалий ва услубий ёрдам кўрсатишдан иборатдир,-дейди Хива  шаҳар фавқулодда вазиятлар бўлими бошлиғи, подполковник Ш. Худошукуров.

*   *   *

Шунингдек, бунда одам ва ҳайвон учун бирдай ўта хавфли юқумли куйдирги касаллиги тарқаганда эҳтиёт чора-тадбирлари амалда қўллаш бўйича ҳам ўқув машқи ўтказилди. Хива туман ветеринария ва чорвачиликни ривожлантириш бўлими мутахассислари билан биргаликда ўқув машқи давомида касалликка хос клиник белгилар аниқланганда қандай чора-тадбирлар олиб борилиши зарурлиги, фавқулодда вазият ходимлари билан биргаликда яна қандай килиниши кераклиги кўрсатиб ўтилди.

А.АБДУЛЛАЕВ,

Хива туман ветеринария ва чорвачиликни ривожлантириш бўлими бошлиғи.