ЯНГИ ЙИЛ АРЧАСИ

Янги йилнинг арафаси
Келиб аёзнинг нафаси
Қор паға-пағалиб ёғди,
Гўё осмон ерга оғди...

Тупроқлар айланиб дўнгга
Режалар сурилди сўнгга,
Ер ором ола бошлади
Деҳқон бобо бош қашлади...

Оқ кийган келинга мангзаб
Дарахтлар ёпди оқ чойшаб,
Изғирин изғиб из кўмди,
Табиат ҳаёлга чўмди...

Фақат вақт ўйдамас, илдам,
Ахир тез янги йил байрам,
Унга тезроқ етмоқ лозим,
Ғаниматдур ҳар дам, ҳар зум...

Ахир кутар Қорбобони
Боласи бутун дунёни,
Безатган улар барчаси
Жўшқин янги йил арчаси...

ЖЎШҚИН.