20 октябрь - Хива шаҳрининг 2500 йиллиги (1997й) нишонланган кун

КАЛТА МИНОР

Калта минор узун ўй сурар,
Ҳайрат аро тош қотган вужуд.
У билади, у яхши билар
Фақат ҳаёл билмаган ҳудуд.

... Ва сайёҳнинг кўзин ўйнатиб
Рақсга туша бошлайди ранглар.
Меъмор айтган чала қўшиқнинг
Давомидай ғиштлар жаранглар.

Ғиштларда бир ёлғон яширин,
Ғиштларда бир ҳақиқат ошкор.
Ҳар ажнабий обкетаверар,
Қайтаверар Ватанга минор.
Шокир БЕК.