НАФАҚА ТАЙИНЛАШ ЯНГИ ТАРТИБИ

Аҳолини ижтимоий муҳофаза қилиш тизимини идоралараро электрон ўзаро хамкорликни қўллаган ҳолда такомиллаштириш чора тадбирлари тўғрисидаги Вазирлар Маҳкамасининг 2019 йил 13 апрелдаги Қарорига асосан Республиканинг барча ҳудудларида ижтимоий нафақаларни тайинлаш тўғрисидаги аризаларни кўриб чиқиш ва уларни тайинлаш жараёнига “Ижтимоий ҳимоя ягона реестри” ахборот тизимини босқичма-босқич жорий этиш белгиланган. Бунга асосан “Ижтимоий ҳимоя ягона реестри” ахборот тизими эгаси ва фойдаланувчиси Республика Молия вазирлиги ҳузуридаги бюджетдан ташқари Пенсия жамғармаси ҳисобланади.
Ушбу Қарорга вилоятимизда 2020 йил октябрь ойидан бошлаб бола икки ёшга тўлгунга қадар бола парвариши бўйича нафақа, 14 ёшгача болалари бўлган оилаларга нафақалар ва кам таъминланган оилаларга моддий ёрдам тайинлашни кўриб чиқиш ва белгилаш тартиб-таомиллари “Ижтимоий ҳимоя ягона реестри” ахборот тизими орқали амалга оширилади.
Бунда Фуқароларнинг ўзини ўзи бошқариш органи аризада кўрсатилган оила аъзолари таркиби, уларнинг иқтисодий ҳолати, оиланинг томорқа ер ёки деҳқон хўжаликларининг майдони ва манзил бўйича оила аъзолари яшаётганлигини текширади ва тасдиқлайди. Ушбу маълумотларни Пенсия жамғармаси бўлимига тақдим этади.

Д.САЪДУЛЛАЕВ,
Хива туман бюджетдан ташқари Пенсия жамғармаси бўлими бошлиғи.