АҲОЛИ ИСТЕЪМОЛИ УЧУН тоза ва ҳалол гўшт етказиб бериш талабини таъминлашга хизмат қилади.

Ўзбекистон Республикаси Президентининг 2019 йил 28 мартдаги “Ўзбекистон Республикаси Ветеринария ва чорвачиликни ривожлантириш давлат қўмитаси фаолиятини ташкил этиш тўғрисида”ги Қарори ва Вазирлар Маҳкамасининг 2017 йил 22 сентябрдаги “Ҳайвонларни идентификация қилиш, уларни ҳисобга олиш, ҳисобдан чиқариш ва сақлаш тартибини такомиллаштириш тўғрисида”ги Қарорига мувофиқ Хива туман ветеринария ва чорвачиликни ривожлантириш бўлими томонидан бир қанча ишлар амалга оширилди.
Жумладан, четдан келтирилган наслли қорамоллардан олинган бузоқлар ҳисобга олиниб, махсус визуал ва электрон чиплар билан рақамланди.
Ҳудудда мавжуд фермер хўжалиги қорамоллари 2020 йил ҳисобига тўлиқ олиниб, ягона электрон маълумотлар базасига киритилди.
Ахоли қарамоғида боқилаётган қорамолларни идентификация қилиш учун Республика ветеринария қўмитаси билан шартнома қилиниб, эндиликда аҳолида мавжуд ҳайвонларни рақамлаш йўлга қўйилмоқда. Бундан мақсад аҳоли истеъмоли учун яроқли тоза ва ҳалол гўшт ва гўшт маҳсулоти етказиб бериш, аҳоли талабини имкон даражада таъминлашдан иборат.

А.АБДУЛЛАЕВ,
Хива туман ветеринария ва чорвачиликни ривожлантириш бўлими бошлиғи.