XIVA "QOVUN SAYLI"GA MEZBONLIK QILADI
Ko‘hna Xiva bu yil ham “Qovun sayli” festivaliga mezbonlik qiladi.
Xorazm qovunchiligini keng targ‘ib qilish orqali mahalliy va xorijiy sayyohlarni e’tiborini qaratish va turistlar oqimini oshirish maqsadida joriy yilning 9-11-avgust kunlari Xiva shahri “Ichan qal’a” davlat muzey-qo‘riqxonasi hududida xalqaro “Qovun sayli” festivali o‘tkaziladi.
ХИВА ТУРИЗМ ШАҲРИ ХАЛҚАРО ТАДБИРИГА ТАЙЁР!
Газетамиз саҳифаланаётган пайтда “Фаровон” меҳмонхонасида Хивага 2024 йилда Ислом дунёсининг туризм шаҳри мақоми берилганлиги муносабати билан маҳаллий ва хорижий ОАВ вакиллари учун матбуот анжумани ўтказилди.
Ислом Ҳамкорлик Ташкилоти бош котиби ўринбосари доктор Акҳмед Сенгендо журналистларга ушбу халқаро тадбир юқори савияда ўтказилишини билдириб, уларнинг саволларига жавоб берди.
Шу жумладан, “Хива тонги” газетаси мухбирига дастлабки таассуротлари ҳақидаги саволига қуйидагича жавоб берди:
- Ўзбекистонга, хусусан, Хивага ҳудди ўз уйимга келгандек ҳис этдим. Кейинроқ оилам билан яна қадим шаҳарга келишни ният қилдим.
Доктор Акҳмед Сенгендо Хивага 2024 йилда Ислом дунёсининг туризм шаҳри мақоми берилганлиги муносабати билан Хива шаҳар ҳокими Т.И.Давлетовга тегишли сертификатни топширди.
Матбуот анжуманида вилоят ҳокими ўринбосари Б.Саидов қатнашди.
“Хива тонги”.
