ЯГОНА ЕЧИМ НИМАДА?

“Хивашаҳаргаз” таъминоти бўлимида “Жисмоний ва юридик шахсларнинг мурожаатлари тўғрисида”ги Ўзбекистон Республикаси Қонуни талабларини сўзсиз ва ўз вақтида бажариш асосий вазифалардан бири ҳисобланади. Шунингдек, Президентнинг Виртуал қабулхонаси, Президент Халқ қабулхонаси, веб-сайт, электрон почта, ёзма ва оғзаки, “Ишонч” телефони орқали газ таъминоти бўлимига жисмоний ва юридик шахслар томонидан келиб тушаётган мурожаатларнинг ижроси сўзсиз бажарилишини таъминлаш ва йўл қўйилган камчиликларни ўз вақтида бартараф этиш юзасидан етарли даражада ишлар ташкил этилган.
Фуқароларнинг табиий газ бўйича мурожаатлари ва муаммоларини ҳал қилиш мақсадида раҳбар ва масъул ходимлар томонидан тасдиқланган жадвал асосида жойларда сайёр қабуллар ташкил қилиниб, бу масалалар шу жойнинг ўзида бартараф этилишига эришилмоқда. 2021 йилда ўтказилган сайёр қабуллар натижаси таҳлил этилганида бўлимда ишлар самарали ташкил қилинганлиги боис мурожаатлар сони 87 фоиз камайишига эришилди.
 “Инсон қадрини улуғлаш ва фаол маҳалла йили”нинг дастлабки январь ойида Гулистон МФЙ “Гулистон” 4-уйда яшовчи С.Аллаберганов хонадонида янги АСГУГ тизимига мос газ ҳисоблагич, Янги ҳаёт МФЙ Фурқат кўчаси 3-уйда истиқомат қилувчи Д.Назарова хонадонига газ ҳисоблагичнинг назорат қутиси ўрнатиб бериш тўғри-сидаги мурожаатлари ижобий ҳал қилинди.

Д.ЭГАМБЕРДИЕВА,
“Хивашаҳаргаз” таъминоти назорат ва мурожаатлар бўлими етакчи мутахассиси.