SHU KO'HNA ZAMINDA TUG'ILISH,

YASHASH-BAXT!

+998 62 375 24 69

220900 Хива шаҳри

Н. Кубро қўчаси 46-уй

“XIVA TONGI” нашриёт уйи

Главная  /  Туризм

Хива сайёҳлар нигоҳида

Юртбошимизнинг яқинда Америка Президенти Дональд Трамп билан шу мамлакатдаги учрашуви ҳар иккала давлатлар ўртасида ўзаро ҳамкорлик алоқаларини шу жумладан, сайёҳликни янада ривожлантириш соҳасида янги имкониятларни очди.
Жорий йилнинг 31 майдан-10 июнгача АҚШ Конгрессининг “Очиқ Дунё” дастури доирасида Ўзбекистон делегацияси Вашингтонда бўлиб, ишбилармон доиралар ва сайёҳлик компаниялари вакиллари билан учрашдилар. Ушбу делегация таркибида қатнашган Хива шаҳар ҳокими Э.О.ЯҚУБОВ мухбиримизга сафар таассуротлари ҳақида гапириб берди.
- Шуни алоҳида таъкидлаш керакки, муҳтарам Президентимизнинг ўша тарихий ташрифидан сўнг халқаро майдонда халқимизга, миллатимизга бўлган ишонч тобора ортиб бормоқда. Буни биз Америка диёрига сафарнинг дастлабки куниданоқ англаб етдик. Сафаримиз ҳақиқатан ҳам ёрқин учрашувларга, мулоқотларга бой бўлди. Муҳими туризмни янада ривожлантириш борасида янги қадамлар ташланди. АҚШнинг «TURON TRADE TOUR LLC” компанияси билан Хива шаҳар ҳокимияти ўртасида савдо туристик муносабатларни ривожлантириш бўйича меморандум имзоланди.  Яқин Шарқ ва Марказий Осиё давлатларига туристик тур уюштирадиган “МIR” компанияси раҳбарияти билан учрашув ўтказилиб, музокаралар олиб борилди. “Боинг” самолётлари ишлаб чиқарадиган заводда ҳам бўлдик.
Америкаликларнинг фахри Капитолийда бўлганимизда Конгресснинг дунёга машҳур, 1800 йилда ташкил этилган кутубхонаси билан танишдик. Бу ерда 150 миллиондан ортиқ нодир китоблар, тарихий овозли ёзувлар, фотосуратлар, ноталар, фильм ва қўлёзмалар сақланмоқда. 
Биз кутубхонанинг Яқин Шарқ ва Марказий Осиё бўлимига Хива шаҳрининг 250 йиллик гужум дарахтидан ёғоч ўймакор ҳунармандлар томонидан ясалган «Ичон-қалъа» макетини ҳамда қадим қалъа тарихи ҳақидаги китобни совға сифатида топширдик. Очиқ осмон остида акс этган манзаралар бу ерга ташриф буюрувчиларда катта тассуротлар уйғотишига ишонч билдирилди.
Америка ҳақиқатан ҳам сеҳрли диёр. Бу ерда бўлган киши унинг ёрқин, эсда қоладиган табиати, гўзал шаҳарларидан албатта ҳайратланиши табиий. Ўз навбатида биз ҳам ҳамкорларимизни қадимий ва мафтункор Хива шаҳрига саёҳатга таклиф этдик.
 
20.06.2018 12:09/ читать дальше...